Në baret dhe restorantet në të gjithë vendin dëgjojmë muzikën e këngëtarëve të preferuar, ndërsa në ekran shikojmë filmat që na ngjallin nostalgji, por ndërsa vlerësohen nga publiku, artistët nuk përfitojnë nga e drejta e autorit. Për këtë qëllim, grupet e interesit paraqiten shqetësimet dhe propozimin e tyre në mbledhjen e sotme të Komisionit për Kulturën, Turizmin dhe Diasporën. Komisioni shqyrtoi ndryshimet e propozuara në pr/ligjin “Për të drejtat e autorit”, bërë nga Këshilli i Ministrave, ndërkohë që Evis Kushi u tërhoq nga propozimi i saj. Sot aktorët, këngëtarët, artistët, shkrimtarët, nuk kanë arrritur të marrin para nga përdorimi i veprave të tyre sepse kemi çaluar si sistem. Drejtori i Arkivit Qendror të Shtetit vuri në dukje se shpesh materialet e Arkivit keqpërdoren sidomos në rrjetet sociale dhe mungesa e rregullatorëve bën të vështirë mbrojtjen e të drejtave të autorit.