Top Channel/ Artistët e “rrezikshëm”/Dramaturgu kosovar rrëfen natën e gjatë të ndalimit nga policia

Pas dy ditë shfaqje në “Teatro di Rifredi”, në Firence, ekipi kosovar i shfaqjes “The Handke Project” mori rrugën për tu kthyer në shtëpi. Ata nga Bolonja me avion ateruan në “Rinas” në Tiranë nga ku morën automjetin për të shkuar në Kosovë. Rreth mesnatës, në “Rrugën e Kombit”, saktësisht tek trau i pagesës për autostradën, ekipi i përbërë prej Jeton Nezirajt, Verona Koxhës dhe Flaka Rrustemit u ndalua nga policia shqiptare. Pas kontrollimit të dokumenteve, ata u njoftuan se njëri pjesëtar i ekipit është i dyshuar për diçka dhe se do shoqëroheshin për në stacionin e Kukësit.