Videoja e një stjuardese që tregon punën e saj, ka ndezur debate në rrjet mbi mënyrën e përshëndetjeve në linjat ajrore. Përshëndetjet e stjuardesave ndaj pasagjerëve duket se janë më tepër te afërta e miqësore nga sa pritet, por për këtë, mesa duket ka një arsye të fshehtë. Pasagjerët e avionëve shoqërohen nga hyrja deri në sediljet e tyre nga punonjësit e buzëqeshur që përpiqen t’i ndihmojnë me gjithçka që kanë nevojë. Supozohet se kjo ndodh për të ndihmuar njerëzit të kalojnë një eksperiencë sa më pozitive, por një stjuardesë tregon të kundërtën. Arsyeja e vërtetë është për të vlerësuar nëse pasagjerët janë gati për të përballuar fluturimin. Në videon e shpërndarë në TikTok, e cila është parë më shumë se 18.7 milionë herë, një stjuardesë me eksperiencë shpjegon se ka përgjegjësi të kontrollojë nëse pasagjerët janë të dehur apo të sëmurë. “Asistentët e fluturimit nuk ju përshëndesin nga afër vetëm nga mirësjellja por për të gjykuar nëse jeni tepër i dehur ose i sëmurë për të fluturuar”, shkruan stjuardesa duke zgjuar kureshtjen e shumë përdoruesve të linjave ajrore. Me humor, disa komentues shkruajnë se stjuardesat janë treguar të ftohta me ta, pasi kanë në gjendje shëndetësore shumë të mirë, ndërsa të tjerë tregojnë se u është ofruar ndihmë sa herë nuk janë ndjerë mirë. Stjuardesa tregon më tej se stafi zgjedh edhe kandidatë të mundshëm për të asistuar në raste emergjence. Pamjet: AFP