Ka zgjatur vetëm pak jave arratia e ekzekutorit portugez Ruben Saraiva i cili kundrejt pagesës dyshohet se u maskua me skafandër e jelek fosforishent dhe ne 19 prill ne shëtitoren e Shëngjinit, pranë lokalit te tij ekzekutoi biznesmenin Ardian Nikulaj. Ekzekutori gjakftohte pas krimit u largua drejt Shqipërisë e me pas ishte zhvendosur ne Marok. 28-vjeçari mësohet se u kap në kryeqytetin e Rabatit. Ai u ndalua pas shkëmbimit të informacionit mes Interpol Tiranës dhe Interpol Rabat. Ndërkohë po kryhen të gjitha veprimet për të bërë të mundur ekstradimin e vrasësit drejt Shqipërisë ku do te përballet me veprat penale “Vrasja për gjakmarrje” dhe “Prodhimi dhe mbajtja pa leje e armëve luftarake dhe e municionit”. Saraiva së bashku me katër shtetas britanik, tre prej të cilëve tashmë të arrestuar nga policia angleze, dyshohet se u paguan nga Edmond Haxhia për të ekzekutuar biznesmenin Ardian Nikulaj në Shëngjin. Ekzekutimi u krye për gjakmarrje, per nje vrasje te ndodhur gati dy dekada me pare ku autor dyshohet se ka qene nikulaj. Disa dite pas krimit ne Angli u arrestua dhe vete porositësi dhe financuesi Edmond Haxhiaj i cili thuri planin e vrasjes dhe solli ne Shqipëri bashkëpunëtoret e tij te huaj. Sipas provave të prokurorisë së Lezhës, Harry Simson, I cili vijon të jetë në arrati, së bashku me tre britanikët e tjerë që u arrestuan në Angli, luajtën rolin e vëzhguesve. Ndërsa portugezi Ruben Saraiva kreu vrasjen. Nga ky grup kriminal prej 6 personash me 3 kombësi në kërkim vijon te jete britaniku Harry Simson i cili ndodhet ne Angli.