Një 21-vjeçar u arrestua nga policia franceze si shkaktar I një aksidenti të ndodhur Yvelines (ivlin), ku humbën jetën dy persona. I riu ishte duke drejtuar makinën në gjendje të dehur kur u përplas me një autobus. Si pasojë e goditjes së fortë, nuk mundën të mbijetojnë dy prej pasagjerëve ndërsa u plagosën 33 të tjerë, 5 prej të cilëve në gjendje të rëndë. Plagë të shumta në trup mori dhe 21-vjeçari. Lidhur me rastin, autoritetet franceze njoftuan se ndaj të riut rëndojnë dy vepra penale: ajo e vrasjes nga pakujdesia dhe plagosjes. Ngjarja ndodhi 42 kilometra në veriperëndim të Parisit. Sipas hetuesve, 21-vjeçari ishte duke lëvizur me mjet në korsinë e gabuar. Pavarësisht se shoferi autobusit tentoi ta shmangte aksidentin, përplasja nuk u evitua. Çdo vit në rrugët e Francës humbin jetën më shumë se 3 mijë persona në aksidente rrugore. Pamjet: AFP