Agjencia e Mbikëqyrjes Policore ka arrestuar në Gjirokastër shefin e sektorit te krimeve në Drejtorinë e Policisë, Alfred Kondi dhe specialistin Xhevid Dina. Mësohet se Kondi dhe Dina janë arrestuar me akuzën e shpërdorimit të detyrës. Ndërkohë është shpallur në kërkim, shoferi i drejtorisë Feim Onjea i cili është arratisur nga komisariati në momentin e ndërhyrjes së agjentëve të AMP. Ata dyshohet se kanë lejuar kalimin e mallrave të ndryshëm kontrabandë nga Greqia. Po ashtu, janë ndaluar edhe tre shtetas për veprat penale të “Kontrabandës” dhe “Falsifikimit të dokumenteve”. Bledar Mustafaraj, doganier në Kakavijë, i dyshuar për “Falsifikim dokumentesh” dhe “Kontrabandë”. Ili Muho dhe Kleodor Kazo, të dyshuar për “Kontrabandë me mallra të tjera” dhe “Falsifikim vulash, stampash dhe formularësh” kryer në bashkëpunim. Nga hetimet disa mujore me metoda speciale u dokumentua përfshirja e këtyre shtetasve në veprën penale të trafikimit të emigrantëve të paligjshëm, favorizimin e shtetasve të ndryshëm në kontrabandimin e mallrave dhe organizimin e lojrave të fatit në formën e basteve sportive, me qëllim përfitimin në mënyrë të paligjshme të vlerave monetare.