Pas një hetimi të gjatë në Foxha, Kalabri dhe Shqipëri, Guardia Di Finanza ka vënë në pranga 9 persona, mes të cilëve edhe pronarin e kolegjit universitar “Ëisdom”, Savino Çançi, siç rezulton në dokumentet e qendrës kombëtare të regjistrimit të biznesit në Shqipëri. Ata akuzohen për një skemë mashtrimi me dhënien e diplomave fiktive, teksa sipas mediave italiane hetimet nisën pas një denoncimi të bërë nga një qytetar. Konkretisht në pranga kanë rënë Maria Saveria Modafari, Fortunata Xhada Modafari, Maria Atizano, Luçia Katalano, Savino Çançi, Leonardo Katalano, Marko Lombardi, Antonio Kaporale dhe Maria Mdara. Referuar mediave italiane, thuhet se ata merrnin afërsisht rreth 8 mijë euro për çdo diplomë apo vërtetim fals që u jepet “studentëve”. Disa dosjes hetimore, mediat italiane shkruajnë se ka pasur edhe raste kur u janë dhënë në këmbim një çantë e një firmë të njohur, me vlerë 1200 euro. Ndërkohë në një reagim për mediat, avokatja e përbashkët e tyre ka deklaruar se po mbledhin të gjithë dokumentacionin për të sqaruar historinë dhe se kanë besim të madh te drejtësia.