Është arrestuar autori i grabitjes që ndodhi mëngjesin e sotëm në fshatin Golem i vogel të Lushnjes. Shtetasi Roland Bico vodhi një automjet, produkte të ndryshme dhe 2 arka kursimi në një market. Vetëm disa orë më pas, policia identifikoi dhe prangosi 43-vjeçarin e dënuar edhe më parë për vjedhje. Nga hetimet paraprake dyshohet se Bico, banues gjithashtu në fshatin Golem i Vogël, ka dëmtuar dritaret e marketit dhe ka vjedhur aty, produkte të ndryshme ushqimore dhe 2 arka kursimi me para. Më pas ka vjedhur një automjet të parkuar pranë këtij marketi dhe ka transportuar me të produktet e grabitura në banesën e tij. Sipas banoreve të këtij fshati, vjedhet kohët e fundit kanë qenë te shpeshta ne kete zone dhe ata po perballen me friken e perditshme. Kryesisht hajdutet marrin produktet ushqimore, si vaj ulliri, raki , mish etj. Policia e lushnjes eshte duke punuar per zbardhjen e plotë të ngjarjes, ndërsa dyshohet se mund të ketë edhe persona të tjerë të përfshirë.