Është arrestuar në Turqi “koka” e kartelit të drogës, Dritan Rexhepi. Lajmi u bë i ditur nga ministri i Punëve të Brendshme i Turqisë, Ali Yerlikaya, i cili bëri të ditur se kreu i organizatës me emrin “Kompania Bello”, është arrestuar gjatë operacionit të kodiar “Kartel” të policisë turke pasi ishte në kërkim ndërkombëtar për trafik droge nga Amerika e Jugut në Evropë. Policia turke ka rrethuar vilën e tij në kryeqytetin e Stambollit dhe sic duhet edhe në pamje një grup policësh pasi kanë shpërthyer derën e kanë shtrirë përtokë Rexhepin, i cili ishte shpallur në kërkim nga autoritetet italiane dhe shqiptare për vepra të ndryshme penale, nga vrasja, trafiku i drogës dhe rrëmbimi. Rexhepi ishte i shpallur në kërkim për pengmarrjen dhe vrasjen e Jan Prengës dhe trafik droge. Ai po ashtu kërkohej edhe në Spanjë, Itali dhe Britani të Madhe për trafikun e kokainës. Ai kishte hyrë në Turqi nga aeroporti i Stambollit me pasaportë kolumbiane të regjistruar në emrin e Benjamin Omar Perez Garcia.