Djali 27-vjeçar i princeshës norvegjeze Mete-Marit, gruaja e princit të kurorës Hakon, u arrestua pasi akuzohet për sulm ndaj një gruaje. Marius Borg Hoibi lindi në 1997 nga një lidhje para martesës së princeshës me mbretin e ardhshëm të Norvegjisë në 2001. Ky rast rikthen re të errëta mbi familjen mbretërore pas skandalit që pak javë më parë përfshiu Princeshën Marta Luiz, e cila u vu nën hetim për përdorimin e titullit të saj për qëllime tregtare. “Një 27-vjeçar u arrestua për ngjarjen dhe meqenëse është bërë e ditur nga disa media se ky person është Marius Borg Hoibi, policia konfirmon se ai është i dyshuari në këtë rast”, sqarohet në deklaratën zyrtare. I riu, i cili mësohet se është në lidhje me gruan e dhunuar dhe dyshohet se i ka shkaktuar “dëmtime fizike”. Hoibi është vendosur në izolim dhe iu bë analiza e gjakut për të zbuluar nëse ishte nën efektin e drogës, ndërsa familja mbretërore nuk e ka komentuar incidentin. Kur Borg Hoibi mbushi 20 vjeç, shtëpia mbretërore lëshoi një deklaratë në të cilën thuhej se i riu do të distancohej nga jeta publike dhe profili i tij u hoq nga faqja zyrtare e familjes.