Një tjetër rast i ushtrimit të prostitucionit është goditur në Shkodër, duke konfirmuar një fenomen që vitet e fundit është shfaqur në rritje. Operacioni i koduar “Rent Home 3”, çoi në zbulimin e një aktiviteti të paligjshëm në lagjen “3 Heronjtë”. Sipas policisë, prostitucioni ushtrohej në dy apartamente të marra me qira, të përshtatura për këtë aktivitet. Në pranga përfunduan 5 persona mes te cileve, 3 shtetase kolumbiane te moshes 48,32, dhe 27 vjece të cilat kishin marrë me qira ambientet, si dhe dy te rinj banues në Vermosh dhe Bajzë. Ndërkohë, është proceduar penalisht edhe shtetasja D. D., 27 vjeçe, e cila dyshohet se ua kishte dhënë me qira apartamentet, për veprën penale “Mbajtja e ambienteve për prostitucion”. Gjatë operacionit, policia ka sekuestruar një shumë parash të dyshuara si të përfituara nga aktiviteti i paligjshëm, si dhe 6 telefona celularë. Ky është një tjetër episod që i shtohet rasteve të ngjashme të goditura vitet e fundit në Shkodër, duke ngritur shqetësimin për shtrirjen e këtij fenomeni dhe përdorimin e apartamenteve me qira për aktivitete të paligjshme.