Katër punonjësit e policisë së Shkodrës, që mbërritën të parët në vendin e masakrës në Dobraç, dyshohet se kanë shpërdoruar detyrën. Agjencia e Mbikëqyrjes Policore ndaloi katër punonjësit e Forcës së posaçme shqiponja në shkodër, pas dyshimeve se nuk kanë kryer detyrën konform ligjit dhe procedurës dhe kanë lejuar largimin e personit të tretë që ndodhej në automjetin me të cilin udhëtonin dy viktimat. Hetimi nga agjencia e mbikëqyrjes policore nisi menjëherë pas publikimit të videos ku një person shihet i gjakosur pranë trupit të pajetë të hamza licit. Masakra e Dobraçit në Shkodër me 4 viktima, do të hetohet nga Prokuroria e Posaçme, pasi autoritetet kanë dyshime se atentati është kryer nga një grup kriminal. Të vrarë mbetën Hamza Lici dhe miku i tij Arlind Bushati, të cilët u qëlluan në makinë nga një automjet tjetër. Në përpjekje për të shmangur plumbat makina e drejtuar nga Hamza lici përplasi çiftin e bashkëshortëve Bashkim dhe Flutura Basha, që udhëtonin me motocikletë, të cilët humbën jetën.