Sekuestrohen 87 pako me lëndë narkotike kanabis pas një hetimi disamujor. policia ka arrestuar dy persona qw kishin përshtatur automjetin, për të fshehur lëndën narkotike kanabis, me qëllim trafikimin e saj. Arrestohet në flagrancë edhe bashkëpunëtori i tyre, i cili kontrollonte rrugën, me një automjet tjetër, për prezencën e shërbimeve të Policisë. Gjatë operacionit, shërbimet e Policisë kanë ndaluar në aksin nacional “Ersekë - Tre urat”, Përmet, automjetin tip “Volvo”, Gjatë kontrollit në këtë automjet, shërbimet e Policisë kanë gjetur të fshehura në vende të përshtatura, 87 pako të mbushura lëndë të dyshuar narkotike kanabis, me peshë totale 70 kg. Në cilësinë e provës materiale u sekuestruan 70 kg lëndë e dyshuar narkotike kanabis, 2 automjete dhe 7 aparate celulare. Specialistët për Hetimin e Narkotikëve, nën drejtimin e Prokurorisë, vijojnë punën për identifikimin dhe kapjen e personave të tjerë të përfshirë në këtë veprimtari kriminale.