Aleatët republikanë të Donald Trump në Dhomën e Përfaqësuesve po përpiqen ta mbrojnë ish presidentin nga kërcënimet ligjore që I kanosen. Pas paralajmërimeve të tij se mund të arrestohej, ata përdorën shumicën e tyre në Dhomën e Përfaqësuesve për të kërkuar dëshminë e Prokurorit të Qarkut të Manhattan, Alvin Bragg dhe për të penguar hetimin e tij në lidhje me pagesën e supozuar, të bërë yllit të filmave për të rritur Stormy Daniels përpara zgjedhjeve të 2016-ës për të heshtur mbi aferën e pretenduar mes tyre. Ndërkohë, tabulatet e komunikimeve mes Daniels dhe një avokati që aktualisht po përfaqëson ish-presidentin Donald Trump janë dorëzuar tashmë në zyrën e Bragg. Kjo ngre mundësinë që avokati I ish kreut te shtetit, Joe Tacopina, të detyrohet të heqë dorë nga mbrojtja e tij. Ndaj kësaj situate ka reaguar së fundi presidenti I Meksikës, Andres Manuel Lopez Obrador, sipas të cilit ndalimi I Trumpi do tia ndalojë atij automatikisht kandidimin në zgjedhjet presidenciale të 2024-tës.