Ministri i Brendshëm maqedonas, Oliver Spasovski, dha detaje të reja nga arrestimi it ë dyshuarit kryesor për vrasjen e 14 vjecares Vanja Gjorçevska në Shkup, që tronditi opinionin publik. Bëhet fjalë për Lupço Palevski, 59 vjeç, i cili ka qenë i angazhuar në politikë, ndërtimtari dhe në aktivitete proruse, ndërsa së fundi e ka udhëhequr lëvizjen “E treta“. Ai është kapur në Turqi. Spasovski pohoi po ashtu se i ati i vajzës është në paraburgim për 48 orë.“Bëhet fjalë për njerëz të cilët nuk mund të quhen njerëz. Për personat që kanë kryer vrasjen është ngritur padi penale. Babai i viktimës është në paraburgim. Në momentin që do të ngrihet padi edhe ndaj tij, do ju njoftojmë”, u shpreh ministri. Palevskidyshohet edhe për përfshirje në vrasjen e 74-vjeçarit, Pançe Zhezhovski, në Velesh.Trupi i pajetë i 14-vjeçares u gjet më 3 dhjetor në Shkup, gjashtë ditë pas zhdukjes së saj pak pasi kishte dalë nga shtëpia. Ministria e brendshme njoftoi më herët se motivi i vrasjes ishte përfitimi material nga e ëma e vajzës së vrarë dhe se në këtë rast, ishte i përfshirë babai i saj, i cili, kishte informuar anëtarët tjerë për kohën kur ka dalë vajza nga shtëpia dhe lëvizjen e saj drejt shkollës. Gjatë marrjes në pyetje, ai vetë i ka mohuar akuzat e policisë.