Partitë opozitare turke protestonin sot kundër atij që quanin “arrestim i motivuar politikisht”, i një kryebashkiaku opozitar të akuzuar për lidhje me grupin militant kurd PKK. 64 vjeçari Ahmet Ozer, kryetar i zonës Esenyurt të Stambollit nga partia kryesore opozitare republikane CHP, u arrestua dje dhe qeveria me shpejtësi e zëvendësoi me të besuarin e saj. Partitë pro-kurde CHP e DEM, dënonin arrestimin si një “grusht politik” – dhe u bënë thirrje demonstruesve të mblidhen para bashkisë së Esenyurt. Por policia arriti të ndalonte demonstruesit duke i detyruar të ndryshonin vendin e grumbullimit disa km më larg, shkruan AFP. Ndërsa ministria e brendshme njoftonte se Ozer u arrestua për “anëtarësi në grupit e terrorit PKK”, me të cilin sipas tyre ai kishte pasur kontakte prej shumë vitesh. Dje në gjykatë Ozer mohonte akuzat, teksa qindra njerëz ishin mbledhur jashtë, përfshirë dhe bashkiakun e fuqishëm të Stambollit, Ekrem Imamoglu. Ky i fundit duke folur në protestën e sotme, akuzonte qeverinë e Erdogan se po luante lojë të pisët kundër Esenyurt. Ozer është i afërt me Imamoglu, dhe ka gjasa të jetë kandidat për zgjedhjet presidenciale të 2028. Edhe kryebashkiaku i Ankarasë nga partia opozitare CHP, Mansur Yavas tha se “padyshim ka një dimension politik” në arrestimin e Ozer, ndërsa shtonte në rrjetet sociale se “akuza të vakëta e abstrakte” ngrenë dyshime për demokracinë e rendit ligjor.