Detaje të reja kanë dalë në dritë lidhur me atë që ndodhi pasditen e 8 korrikut në Turqi, kur Presidenti amerikan Donald Trump u shfaq duke hipur në Air Force One, por pak më vonë u largua fshehurazi me një kamion ushqimi dhe udhëtoi me një tjetër avion, pas informacioneve të inteligjencës amerikane për një komplot të mundshëm iranian ndaj tij. Sipas raportimeve të mediave amerikane, Trump zgjodhi të udhëtonte me një grup shumë të vogël njerëzish, për të cilët u konsiderua se mund të garantonin siguri më të madhe. Mes tyre ishte një prej asistenteve të tij më të afërta, zëvendësshefi i stafit të Shtëpisë së Bardhë dhe drejtori i operacioneve të Zyrës Ovale. Burime të cituara nga mediat i përshkruan ata si njerëzit që qëndruan më pranë presidentit gjatë këtij operacioni të fshehtë sigurie. Ndërkohë, disa prej zyrtarëve më të lartë të administratës amerikane mbetën në Air Force One. Sipas CBS, prania e tyre në avion kishte edhe një arsye strategjike: ruajtjen e linjës së trashëgimisë presidenciale në rast se Trump do të vritej ose do të bëhej i paaftë për të ushtruar detyrën.