Kryeministri armen, Nikol Pashinyan tha të hënën se vendi i tij mund të tërhiqet nga Organizata e Traktatit të Sigurisë Kolektive që drejtohet nga Moska. Shkak për këtë gjë, sipas tij, është bërë mungesa e mbështetjes nga ana e Rusisë. Kreu i qeverisë armen tha se Rusia ka dështuar në mbrojtjen e Armenisë përballë kërcënimeve ushtarake të Azerbajxhanit. "Unë nuk e përjashtoj që Armenia do të marrë një vendim për t'u tërhequr nga CSTO, nëse blloku dështon të respektojë detyrimet e traktatit”, tha kryeministri në një konferencë shtypi në Jerevan. Deklaratat erdhën përpara bisedimeve që do të zhvillohen me presidentin e Azerbajxhanit, Ilham Aliyev, në Moskë