Të paktën tetë armë zjarri tip pistoleta dhe një sasi municioni u sekuestruan nga policia në zonën e portit të Durrësit pasditen e të hënës. Armët e zjarrit u zbuluan në bagazhgin e këtij furgoni mallrash tip Mercedez Benz me targa angleze. Mësohet se ato ishin fshehur në brendësi të një tavoline në pjesën e bagazhit që ishte mbështjellë me letër transparente. Ngarkesa, sipas burimeve, u konstatua fillimisht nga punonjësit e skanerit. Por vetëm pas kontrollit fizik të ushtruar në vijën e dytë, agjentët mundën të zbulonin armët e zjarrit dhe municionet Ndërkohë u shoqërua shoferi I mjetit 35-vjeçari Jetmir Koloshi, I cili po merret në pyetje nga ana e hetuesve ndërsa pritet dhe të arrestohet në orët në vijim. Dyshimet paraprake janë se pistoletat mund të trafikoheshin drejt Anglisë në funksion të veprimtarisë së një grupi të strukturuar kriminal. Për këtë arsye, pritet që hetimet t’i kalojnë SPAK-ut, me qëllim zbardhjen e këtij rasti të trafiku ndërkombëtar të armëve por dhe identifikimin si dhe kapjen e porositësve. Po ashtu pritet që dhe vetë policia e Durrësit të jap një një informacion më të detajuar për aksionin.