Italia dhe Turqia firmosin marrëveshje 40 miliardë dollarë në fushën e mbrojtjes, që përfshin kryesisht blerjen e dronëve. Marrëveshja u firmos nga kryeministrja italiane, Giorgia Meloni, dhe Presidenti turk, Recep Tayyip Erdogan, në samitin e katërt ndërqeveritar mes dy vendeve, që u mbajt në Romë. Pas takimit që zgjati rreth katër orë, krerët e dy vendeve vunë theksin te thellimi i bashkëpunimit në fushën e industrisë së mbrojtjes, me projekte të reja. "Në samitin e sotëm (me Italinë) vendosëm që objektivi i ri i vëllimit tregtar të jetë 40 miliardë dollarë", theksoi Erdogan. Nga ana e saj, edhe kryeministrja Meloni tha se dy vendet do thellojnë bashkëpunimin jo vetëm në sektorin ekomomik. “Kemi hedhur themele të mira për zhvillimin e mëtejshëm të marrëdhënieve të përsosura. Marrëdhënia jonë me Turqinë shkon përtej marrëdhënieve ekonomike. Në skenarin euro-mesdhetar, ne jemi vende aleate brenda kuadrit të Aleancës Atlantike", u shpreh kryeministrja e Italisë. Në fokus të takimit të kryeministres Meloni dhe Presidentin turk ishte edhe lufta në Ukrainë e Gaza, ku të dy liderët theksuan nevojën e armëpushimit.