Gjatë telefonatës ku e uroi për fitoren pas garës së vështirë, Harris i siguroi Trump se ajo do ta pasonte në mënyrë paqësore pushtetin, ndryshe nga ajo që ndodhi në vitin 2021, sipas asaj që shkruan kryetarja e fushatës së Harris. Në rolin e saj si zëvendës-presidente, Harris do të jetë përgjegjëse për certifikimin e zgjedhjeve në janar, ashtu siç ishte zëvendës-presidenti i atëhershëm Mike Pence në 2020, kur mbështetësit e Trump sulmuan Capitol-in në zemërim për humbjen e tij. “Po ashtu, ajo e bëri të qartë se shpreson që ai do të jetë një president për të gjithë amerikanët”, thuhet në njoftimin e kryetares së fushatës. Ajo gjithashtu theksoi se humbja e Harris është pashmangshmërisht e dhimbshme, por se puna për të mbrojtur vendin nga një administratë e dytë e Trump sapo ka filluar. Zv.presidentja pritet të mbajë një fjalim për kombet këtë mbrëmje. Me 294 vota elektorale, që sipas projeksioneve tashmë i ka të siguruara nga 270 që nevojiten për të marrë Shtëpinë e Bardhë, Donald Trump është në rrugën e kthimit në presidentin e 47-të të SHBA-së, dhe në të parin kryetar të shtetit amerikan në 100 vjet që merr një mandat të dytë presidencial jo të njëpasnjëshëm.