Kuti lapsash, veshje e kapele ishin mes objekteve të sekuestruara në dyqanet e fëmijëve në Arabinë Saudite, me simbole ylberësh dhe simbolika trans apo homoseksuale. Mediat saudite thanë se fushata e kontrollit në dyqane ishte pjesë e ndalimit të referencave të homoseksualitetit, i cili kundërshton fenë islame dhe moralin publik. “Ne po kontrollojmë artikujt që kundërshtojnë fenë islame dhe promovojnë ngjyrat homoseksuale për gjeneratën e re”, tha zyrtari i ministrisë së tregtisë në raportimin televiziv. Duke bërë me shenjë nga flamuri i ylberit, gazetari shtoi: “Flamuri homoseksual dhe këto ngjyra dërgojnë një mesazh helmues për fëmijët sauditë”. Raportimi nuk tregonte sa dyqane ishin shënjestruar nga autoritetet. Arabia Saudite ka refuzuar gjithashtu shfaqjen e disa filmave perëndimorë ku përshkruhen apo pasqyrohen minoritetet seksuale apo referencat LGBTQ duke anuluar disa kontrata dhe me Disney. Pamjet: AFP