Mbretëria e Arabisë Saudite kremtoi 94-vjetorin e ditës kombëtare. Ambasada e Arabisë saudite në Tiranë organizoi një pritje me pjesëmarrje të personaliteteve të politikës dhe përkatësive të ndryshme fetare për të kremtuar këtë ditë të veçantë. Ambasadori i Arabisë saudite në Tiranë, z.Faisal Ghazi Hifzi vuri edhe një herë në dukje marrëdhëniet shumë të mira mes dy vendeve dhe tha se qeveria e vendit të tij ofron bursa falas për studentët shqiptarë që duan të ndjekin studimet atje. “Nuk mund të mos vë në dukje marrëdhëniet midis Mbretërisë dhe Republikës së Shqipërisë, si dhe vendeve të tjera të Ballkanit Perëndimor. Gjithashtu dua të theksoj se qeveria saudite akordon bursa falas për studentët që dëshirojnë të ndjekin shkollimin universitar në universitetet saudite”. Mbretëria e Arabisë Saudite shpalli bashkimin territorial më 23 shtator të vitit 1932 dhe prej asaj dite sipas ambasadorit mbretëria ka pasur rritje në shumë sektorë, mes të cilëve në investime dhe në turizëm.