Një padi kundër kompanisë Apple u depozitua në gjykatë nga Departamenti I Drejtësisë këtë të enjte me argumentin se ka ngritur një monopol të paligjshëm të telefonave inteligjente, duke përjashtuar konkurrentet dhe duke mbajtur në mënyrë artificiale çmimet të larta. Padia u depozitua në gjykatën federale të Nju Xhersi. “Apple i ka lidhur konsumatorët pas iPhone-it dhe ndërkohë i ka përjashtuar konkurentët nga tregu”, tha zëvendës prokurorja e përgjithshme, Lisa Monaco që shtoi më tej se përmes këtyre veprimeve ka ndalur inovacionin në këtë industri. Ndërkohë komapnia Apple, e cila ka në pronësi dhe telefont Iphone, e cilësoi këtë hap si të gabuar pasi pretendimet e ngritura Janë jashtë kuadrit ligjor. Sipas departamentit të Drejtësisë kjo nismë synon që të ndalë sabotimin nga kompaninë Appel të teknologjive që konkurrojnë me vetë aplikacionet e saj – në fusha si shikimi i videove nëpërmjet internetit, mesazhet dhe pagesat dixhitale – si dhe t’i ndalojë marrëdhëniet kontraktuale me prodhuesit e programeve dhe të aksesorëve, si dhe me klientët që do t’i mundësonin “të fitonte, të mbante, të zgjeronte apo të thellonte monopolin”. Pamjet: AFP