Ministria e brendëshme angleze Home Office ka nisur të aplikojë një qasje të re ndaj emigrantëve shqiptarë që mbërrinë me gomone. Top Channel mëson se 11 shqiptarë të cilët mbërritën me gomone javën e shkuar pasi i janë marrë shenjat e gishtave janë dërguar menjëherë në aeroportin Stansted e janë deportuar drejt Tiranës. Aventuara e tyre e mundimshme për të shkuar me gomone ka zgjatur më pak se 24 orë. Pa mbushur 24 orë nga mbërritja ata janë dëbuar në mënyrë të reufeshme. Në të shkuarën mbi 8.000 shqiptarë që kanë mbërritur me gomone në periudhën Qershor- Shtator 2022, u është dhënë e drejta e azil kërkimit. Pas mbajtjes në qëndra detencioni shqiptarët coheshin në hotele ose të afërmit hynin garant për të qenë të lirë me kusht nën rregullat e ligjit të azilantëve. Por javën e shkuar dëbimi 11 shqiptarëve është një ndryshim rrënjësor i politikave të azilit ndaj shqiptarëve. Top Channel mëson se 11 të dëbuarit mes tyre edhe një vajzë kishin mbërritur në portin Manston në Ramsgate ku është ngritur një qendër përpunimi e emigrantëve që merren nga deti lrej anije angleze të rojës bregdetare. Atyre nuk iu dha asnjë mundësi komunikimi me të afërmit apo avokat për të nisur procedurat e azilit. Ishte ish ministria e brendëshme Priti Patel ajo që anoncoi pak javë më parë dëbimin e përshpejtuar të shqiptarëve që mbërrinin me gomone. Por Home Office pas një procesi gjyqësor të humbur deklaroi se hoqi dorë nga ky lloj dëbimi. Megjithatë të 11 të dëbuarit e javës së shkuar shihet si një test në zbatimin e kësaj politike të re pasi sipas ligjeve angleze cdo person që mbërrin në Angli ka të drejtë e azil kërkimit.