Në një përpjekje për të gjetur statistika dhe bërë krahasime për të shpëtuar fytyrën në sytë e publikut britanik, qeveria aktuale laburiste, thotë se që kur kanë ardhur ata në pushtet përpara gjashtë muajsh, kanë larguar drejt vendlindjes më shumë emigrantë ilegal se në cdo periudhe gjashtë mujore në pesë vitet e fundit. Sipas Home Office rreth 13 e 500 emigrantë të paligjshëm janë riatdhesuar pas zgjedhjeve të qershorit. Ndërkohë që Ministrja e Brendshme thotë se kanë intensifikuar masat e sigurisë në kufi, në fakt rrëth 21 e 500 vetë kanë ardhur që kur Sir Keir Stamer ka ardhur në pushtet, pra janë 8 mijë vetë më shumë të ardhur me gomone, qe i shtohen numrit të të huajve ilegal në Britani, ku vetëm të enjten 607 të tjerë mbritën përmes La Manshit, dita më e ngarkuar në një dhjetor që kur kanë filluar të mbahen rekordet. Sakaq rreth 35 mijë vetë më shumë kanë ardhur me gomone gjatë këtij viti, cka përbën 20 përqind më shumë se një vit më parë, por 22 përqind më pak se në 2022, kur edhe shqiptarët e ardhur shkonin në afro 14 mijë vetë. Opozita konservatore thotë se rikthimet nuk janë për emigrantët ilegal të ardhur sesa puntorë që punojnë ilegalisht në vëndë të ndryshme pune. Tabloidi The Sun madje shkruan se shumë nga të deportuarit dhe liruarit nga burgjet për drogë, si në rastin e Shqipërisë vijnë sërish pas disa kohësh në Britani për të rifilluar aty ku e kishin lanë aktivitetin e tyre kriminal. Sipas tyre marrëveshjet me Italinë dhe Shqipërinë janë vazhdim i asaj që ne po benim, kur ishim ne pushtet. Ndërkohe Ministrja e Brenshme ka qënë në Itali këtë javë dhe ka takuar 5 homologë të saj evropiane, por pavarësisht ecejakeve dhe takimeve diplomatike, e vërtata mbetet se grupet kriminale i kanë industrializuar kalimet ilegale dhe infrastrukturën që e mundëson këtë krim. Zyratarët më të lartë britanik të sigurisë së kufijëve nuk pranojnë të prononcohen se kur do filloj ndalimi i kalimeve ilegale, pasi dukshëm krimi është disa hapa para sic tradicionalisht agjensive ligjzbatuese dhe bashkëpunimit ndërkufitar me shumë pikepytje sidomos mes Frances dhe Britanise. Rreziku me i madh si per laburistët dhe konseravtoret në fushën e emigracionit ilegal vjen nga partia e Babait te Brex-it e cila e perdor fort kartën e emigracionit ne narrtiven publike, parti e cila doli e dyta ne 98 zona elektorale në zgjedhjet e kaluara.