Rezerva Federale rriti sërish normat e interesit të mërkurën me çerek pike, ndërsa zyrtarët përpiqen të balancojnë dy probleme konfliktuale: riskun e rritjes së inflacionit dhe kërcënimet që vijnë nga tregu bankar. Lëvizja e rezervës federale ishte e njëjta me atë të muajit të kaluar, duke i rritur normat nga 4.75 deri në 5%. Kryetari Jerome Powell, tha se u konsiderua ndalimi i rritjes së normave për shkak të problemeve bankare, por të dhënat ekonomike sipas tij ishin mjaft të forta, duke e vendosur institucionin në një udhëkryq të vështirë. Në projeksionet e fundit ekonomike, zyrtarët e rezervës federale presin që rritja ekonomike të ngadalësohet gjatë këtij vitit, ndërsa inflacioni të jetë në nivele pak më të larta, nga parashikimet e fundit të dhjetorit. “Sërish ka shpresë që ne do ta qetësojmë ekonominë pa e dërguar në recesion”, tha Poëell. Sipas tij normat mund të rriten deri në fund të këtij viti dhe të fillojnë të zbresin gjatë 2024-ës. Z.Powell edhe njëherë konfirmoi se sistemi bankar i SHBA-së ishte financiarisht i shëndetshëm dhe i qëndrueshëm dhe se rezerva federale do të përdorë çdo mjet në dispozicion për ta mbajtur të sigurtë. Sipas tij, rasti i Silicon Valley bank do analizohet thellë tha më tej në konferencë dhe aparalëjmëroi se në të ardhmen do të ketë më shumë supervizime. Pas njoftimit për rritjen e normave nga banka qëndrore amerikane aksionet në bursa u rritën, por tregtimi në to ishte konfuz, pas fjalës z.Poëell. Investitorët reaguan ndaj çdo pike dhe presje të fjalimit të tij. Euforia më pas u zbeh ndërsa konferenca për shtyp vazhdoi, me stoqet që përfundimisht e mbyllën ditën në humbje. Normat e bonove dyvjeçare të thesarit ranë ndjeshëm në rreth 4 për qind. Kjo nënkupton që investitorët mendojnë se lëvizja e normës së interesit të së mërkurës mund të jetë e fundit nga rezerva federale për një kohë të gjatë, pavarësisht parashikimeve të politikëbërësve se do të rriten më tej.