Katër persona humbën jetën dhe shtatë të tjerë u plagosën në një aksident rrugor në Itali, ku një autoambulancë u përplas kokë më kokë me një autobus me të cilin po udhëtonin 47 pasagjerë, pjesa më e madhe e tyre fëmijë të moshës 7 deri 13-vjeç. Përplasja ndodhi brenda një tuneli që lidh rrugën mes zonës së Urbinos dhe Fermignanos. Viktimat, sipas mediave italiane, ishin të gjithë personat që po udhëtonin me ambulancë. Konkretisht nga goditja e fortë ndërroi jetë në vend një mjek 40-vjeçar shqiptar, infermierja 40-vjeçare, shoferi 60-vjeçar dhe pacienti 85-vjeçar. Ndërkohë u plagosën dhe katër fëmijë dhe tre prej shoqëruesve të tyre. Ata u dërguan drejt spitalit për ndihmë mjekësore. Autobusi me fëmijë po kthehej nga një ekskursion. Ndërkohë ambulanca po transportonte një të sëmurë. Nga përplasja e fortë autoambulanca u përfshi nga flakët ndërsa raportohet se brenda tunelit pati dhe shpërthime. I shpejt ishte reagimi I policisë që bëri të mundur nxjerrjen e fëmijëve dhe gjithë personave të tjerë të bllokuar nga tuneli. Pamjet: AFP