Për herë të parë pas 33 ditësh protestë, reagoi ambasada e Shteteve të Bashkuara të Amerikës në Tiranë. Në një njoftim të publikuar në faqen zyrtare, ambasada e SHBA ju bën thirrje qytetarëve amerikanë në Tiranë që të shmangin pjesëmarrjen në protestë dhe të kenë prioritet sigurinë e tyre personale. “Nëse ndodheni në një qytet ku po zhvillohet një protestë, tregohuni vigjilentë dhe vendosni në prioritet sigurinë tuaj personale. Qytetarët amerikanë këshillohen të shmangin pjesëmarrjen në protesta. Tregohuni të vetëdijshëm për mjedisin përreth jush dhe kufizoni shpërqendrimet, si përdorimi i telefonit apo kufjeve në vende publike. Keni gjithmonë një plan emergjence ose një strategji daljeje nga zona. Mbani një profil të ulët dhe shmangni tërheqjen e vëmendjes”. Ambasada amerikane në Tiranë thekson se protestat mund të shtrihen edhe në ndërtesat e tjera qeveritare, përveç Kryeministrisë.