Kreu i SPAK Altin Dumani ndodhet në Londër për të intesifikuar bashkëpunimin me agjencitë ligjzbatuese britanike. Top Channel mëson se kreu SPAK pati një takim kokë më kokë me Graeme Biggar Drejtor i Përgjithshëm i NCA Agjencisë Kombëtare Kundra Krimit e njohur si FBI-ja Britanike. Ky është takimi i dytë mes tyre pas nënshkrimit të memorandumit të përbashkët të bashkëpunimit në Tiranë në Shurt 2024. Bazuar në këtë memorandum janë ngritur skuadra të përbashkëta SPAK-NCA, ku në fokus është krimi organizuar shqiptarë në Britaninë e Madhe, e në veçanti hetimi parave të investura në Shqipëri me prejardhje kriminale. Në Londër Altin Dumani është takuar edhe me Stuart Skeates, Drejtor i Përgjithshëm i Operacioneve në Ministrinë e Brendshme Home Office, i cili udhëhoqi betejën në ndalimin e emigracionit ilegal të shqiptarëve me gomone drejt Anglisë. Takime të tjera kreu i SPAK pati edhe në Policinë Metropolitane, Ministrinë e Brendshme Home Office, Prokurorinë e Përgjithshme Home Office, City of London Police, e cila udhëheq hetimet e krimeve financiare dhe ekonomike në të gjithë Britaninë e Madhe.