Rusia mund të nisë një sulm ushtarak kundër një vendi të NATO-s në muajt e ardhshëm, tha inteligjenca daneze, në një nga paralajmërimet më të ashpra deri më tani nga shërbimet perëndimore të sigurisë. Në një raport të botuar të enjten, shërbimi danez i inteligjencës së mbrojtjes paralajmëroi për një "rrezik të ulët, por në rritje" nga Kremlini. “Rusia mund të nisë sulme me rreze të gjatë veprimi në infrastrukturën e NATO-s që mbështet Ukrainën, ose të kryejë një ndërhyrje të kufizuar në një vend fqinj me një numër të vogël trupash”, thuhet ndër të tjera në raportin që citon “The Guardian”. Raporti erdhi disa orë pas një zjarri në një stacion satelitor Starlink në Poloninë qendrore që autoritetet lokale e përshkruan si një "akt sabotimi". Autoritetet polake pohuan se flakët që shpërthyen në zonë ishin të qëllimshme dhe synonin çaktivizimin e stacionit, ndërsa sollën ndërprerje të aksesit në interneti për shumë institucione, përfshirë ushtrinë ukrainase.