Dy persona janë raportuar të vdekur dhe rreth 20 të tjerë rezultojnë të zhdukur nga përmbytjet e befasishme në Grand Cayon të Shteteve të Bashkuara. Shërbimi i Parqeve Kombëtare njoftoi se vërshimi i tmerrshëm i ujërave zuri në befasi njerëzit në rrjedhën e lumit Kolorado, teksa solli me vete edhe një sasi të mëdha mbeturinash. Dhjetëra persona janë evakuuar nga zona, ndërsa autoritetet po përpiqen të nxjerrin prej saj edhe shumë persona të tjerë. Ndërkohë, disa atraksione turistike të parkut të famshëm janë mbyllur dhe një pjesë e aktiviteteve janë pezulluar. Ekipet e emergjencave dhe zyrtarët lokalë po vijojnë vlerësimin e dëmeve dhe operacionet e kërkim-shpëtimit. Situata është rënduar edhe nga dëmtimi i tubacionit të ujit të pijshëm, duke shkaktuar kufizime në furnizimin me ujë. Autoritetet u kanë kërkuar banorëve dhe personave që ndodhen ende në rajon te kursejnë ujin, ndërsa turistëve u është bërë e ditur se nuk mund të qëndrojnë në zonat e prekura.