Një aktakuzë e re është ngritur kundër ish presidentit amerikan Donald Trump. Një juri e madhe në shtetin amerikan të Xhorxhias akuzoi ish-presidentin Donald Trump dhe 18 të tjerë për tentativën e përmbysjes së rezultatit të zgjedhjeve presidenciale të vitit 2020. 13 akuzat në aktpadinë e ngritur kundër ish shefit të Shtëpisë së Bardhë përfshijnë shantazhin, shkeljen e betimit të tij, komplotin për të kryer falsifikim dhe për të paraqitur dokumente false, dhe vepra të tjera. Në mesin e të akuzuarve së bashku me ish presidentin Trump janë edhe ish shefi i kabinetit të tij Mark Meadoës, avokati i zotit Trump, Rudy Giuliani dhe ish zyrtari i Departamentit të Drejtësisë, Jeffrey Clark. Prokurorja e Qarkut Fulton Fani Ëillis shkoi deri aty sa t`i pershkruante të akuzuarit si pjesë e një sipërmarrjeje kriminale me synimin për të "përmbushur qëllimin e paligjshëm për t’i lejuar zotit Donald J. Trump të marrëmandatin presidencial", që filloi në janar të vitit 2021. Ajo deklaroi se ish presidenti ka kohë deri në 25 gusht për t`u dorëzuar vullnetarisht.