Akuzat e prokurorëve të shtetit të Xhorxhias ish-presidenti amerikan Donald Trump I cilëson të pabaza. Ai pohoi të enjten se është I pafajshëm dhe se nuk u përpoq që të përmbyste rezultatin e zgjedhjeve presidenciale të vitit 2020 në këtë shtet. Deklarimi I pafajësisë, sipas Reuters, u bë me shkrim dhe iu dorëzua Gjykatës së Lartë të qarkut Fulton në Xhorxhia. Përmes këtij veprimi, ish-numri një i shtetit amerikan, tashmë një ndër kandidatët kryesor në radhët e republikanëve për zgjedhjet presidenciale të vitit 2024, la të nënkuptohet se nuk do të paraqitet personalisht në gjykatën e Atlantës javën e ardhshme për t'u përballur me akuzat. Në akt-padinë e depozituar në gjykatë, prokurorja e Qarkut Fulton, Fani Willis, ka përfshirë 13 vepra penale, përfshirë këtu atë të shantazhit, dhe presionit ndaj zyrtarëve të shtetit shtetëror. Kjo është padia e katërt me të cilën po përballet Trump që nga fillimi i fushatës së tij për rizgjedhje për president. Pamjet: AFP