Gjykata Ndërkombëtare Kriminale në Hagë ka njoftuar nisjen e një hetimi të brendshëm ndaj kryeprokurorit të vet Karim Khan, i cili ka thënë se do të ndihmojë me procesin e hetimeve edhe pse mohon akuzat. Zhvillimi vjen pas raportimeve në media të një dokumenti ku cilësohen akuzat ndaj Khan, që përfshijnë ‘prekje të padëshiruara’ dhe ‘abuzime të natyrës seksuale’. Në dokument thuhet se Khan “ishte thirrur edhe më parë për hetime në lidhje me çështjen”. “Mirëpres mundësinë për t’u përfshirë me procesin, teksa do të vazhdoj funksionet e mia si kryeprokuror”, tha ai në një prononcim. Zhvillimi vjen mes rritjes së vëmendjes ndaj Gjykatës dhe zotit Khan teksa ky i fundit ka lëshuar akuza dhe sugjerime per urdhër-arrestime për persona të lidhur me konfliktin në Gaza. Në maj Khan tha se kishte arsye të besueshme se kryeministri izraelit Benjamin Netanyahu, ministri i tij i mbrojtjes Yoav Gallant, liderët e Hamas, Yahiya Sinëar, Mohammed Deif e Ismail Haniyeh, mund të ishin përgjegjës për krime kundër njerëzimit, prej ditës së sulmit të Hamas në 7 tetor, e më vonë. Tashmë Sinëar, Deif e Haniyeh janë vrarë të gjithë nga Izraeli. Aktualisht një panel me tre gjykatës po shqyrton kërkesën e mandatit të arrestit ndaj Khan, shkruan BBC.