Partnerja e Al Pacinos ka sjellë në jetë fëmijën e tij të katërt, sipas raportimeve të mediave amerikane. Aktori i Kumbarit dhe Scarface, 83 vjeç, dhe producentja Noor Alfallah, 29 vjeç, kanë mirëpritur një djalë të quajtur Roman. Publicisti i Pacino-s, Stan Rosenfield, konfirmoi ardhjen e fëmijës për agjencinë e lajmeve Associated Press të enjten, por nuk dha detaje të mëtejshme. Çifti – i cili njoftoi se ishin në pritje të një fëmije vetëm dy javë më parë – u panë duke darkuar së bashku në prill të vitit të kaluar, duke ndezur spekulime për lidhjen e tyre. Ata thuhet se kanë pasur lidhje që nga pandemia COVID, raporton Page Six. Aktori fitues i çmimit Oscar ka një vajzë 33-vjeçare, Julie Marie, me Jan Tarrant. Ai lindi binjakët Anton dhe Olivia, 22 vjeç, me aktoren Beverly D’Angelo. Alfallah u përfol se më parë kishte lidhje me Sir Mick Jagger për më shumë se një vit deri në vitin 2018. Ajo u pa edhe me veteranin e Hollivudit Clint Eastëood në vitin 2019. 29-vjeçarja në llogarinë e saj në “Instagram” e përshkruan veten si “rakontore”. Sipas faqes së saj në IMDB, ajo ka punuar si producente në dy filma aktualisht në postproduksion, duke përfshirë Billy Knight, me Pacino. Pamjet: AFP