Pas aksidentit të ndodhur dy ditë më parë në aksin rrugor Fushë Mamurras – Adriatik, ku humbi jetën një 38-vjeçar që po lëvizte me biçikletë policia e Kurbinit ka arrestuar shoferin e mjetit që e shkaktoi. Në pranga përfundoi një 35-vjeçar nga Kurbini. Ai u identifikua pas veprimeve hetimore të kryera nga ana e agjentëve. Ndërkohë u sekuestrua në cilësinë e provës materiale dhe makina tip “Benz”, që 35-vjeçari drejtonte gjatë momentit të ngjarjes.