Një aksident ka ndodhur mbrëmjen e sotme në Fier, në vendin e quajtur “Kryqëzimi i Grecallisë”. Një këmbësor është goditur për vdekje nga një automjet tip “Range Rover”, i cili drejtohej nga një 20-vjeçar. Viktima është 50-vjeçari me iniciale D. Gj. Fillimisht ai ka marrë lëndime të rënda në trup dhe është dërguar në spital në gjendje kritike. Në vendngjarje ka mbërritur menjëherë ambulanca e cila e ka transportuar drejt spitalit rajonal të Fierit, aty ku edhe ndërroi jetë. Policia dhe grupi hetimor ndodhen në vendngjarje për të zbardhur dinamikën e aksidentit në fjalë. Drejtuesi i automjetit, 20-vjeçari me iniciale B. H., është shoqëruar në Komisariat për veprime të mëtejshme.