“Ajo është fantastike, plot energji”, kështu shprehte presidenti i sapozgjedhur i SHBA-ve, Donald Trump për kryeministren italiane, Giorgia Meloni. Në një intervistë për New York Post, menjëherë pas kthimit nga Parisi Trump komentoi bisedën që pati me kryeministren italiane, në darkën zyrtare të shtruar nga francezët për liderët e Presidenti i komunitetit ndërkombëtar Emmanuel Macron, në Pallatin Elysee. “Ne folëm për një kohë të gjatë, është një burim i vërtetë energjie, ju siguroj. Është fantastike”, tha Trump. Sipas gazetës italiane La Repubblica, Giorgia Meloni pati mundësinë të fliste me Donald Trump tre herë: e para ishte në një diskutim të shkurtër së bashku me presidentin francez dhe presidenten e Gjeorgjisë, Salome Zourabivili. E dyta, së bashku me Elon Musk dhe e treta, në fund të darkës zyrtare në Elysee, “me gota gjysmë plot verë të kuqe”, siç shkruan La Repubblica. Kryeministrja italiane, me postimin e saj në internet, nënvizoi nga ana e saj se “ishte një mundësi e këndshme për dialog”.