Ndarja e aktores Alice Evans nga aktori Ioan Gruffudd, ka marrë një tjetër kthesë shokuese, pasi ajo akuzoi ish-bashkëshortin e saj se nuk ka paguar asnjë mbështetje për fëmijët që nga maji. Ajo pretendon se është në gjendje të keqe financiare, saqë nuk mund të paguajë dot as për fëmijët e saj, teksa Gruffudd vijon turin për filmin “Bad Boys: Ride or Die”. “Daily Mail” ka zbuluar dosjet me dëshminë e Evans në gjyqin për divorcin nga aktori 50-vjeçar. “Ioan nuk i ka telefonuar fëmijëve apo nuk u ka kthyer mesazhet e tyre që nga maji i vitit 2023”, thotë Evans. “Ndërsa unë po mundohem të vendos ushqimin në tavolinë për fëmijët, Ioan po bën xhiro nëpër botë, blen Rolex dhe unaza të shtrenjta për të fejuarën e tij”, shprehet Evans. Pas ndarjes nga Alice, Ioan u lidh me Bianca Wallace, teksa para disa muajsh njoftuan se do të martoheshin.