Një sulm me raketa i forcave ruse në qytetin jugor të Ukrainës, Zaporizhia, vrau të paktën 13 persona të mërkurën dhe plagosi dhjetëra të tjerë, njoftuan autoritetet ukrainase. Sulmi ndodhi disa minuta pasi guvernatori rajonal Ivan Fedorov paralajmëroi se “raketat me shpejtësi të lartë” dhe “bombat rrëshqitëse” po lëviznin drejt rajonit të Zaporizhias. Trupat e viktimave dhe të njerëzve të plagosur nga sulmi u gjendën përgjatë një rruge dhe zonave të asfaltuara pranë objekteve të dëmtuara të transportit publik. Mbetjet goditën një tramvaj dhe një autobus me pasagjerë, tha zyra e prokurorit të përgjithshëm të Ukrainës. Në sulm u dëmtuan gjithashtu blloqe apartamentesh të larta, një objekt industrial dhe infrastruktura. Punonjësit e urgjencës po përpiqeshin të shpëtonin një burrë, ndërsa në sfond shiheshin flakët e furishme, tymi dhe makinat e djegura. Forcat ruse përdorën dy raketa me vetëdrejtim për të goditur një zonë të banuar, duke lwnw të paktën katër të plagosurit. Fedorov tha se e enjtja do të ishte një ditë zie zyrtare. Rusia bën rregullisht sulme ajrore në rajonin e Zaporizhias, që forcat e saj e kanë pjesërisht nën kontroll.