Në vitin 2024 Ministria e Bujqësisë pas shumë vitesh mbështeti sërisht fermerët e bimëve aromatike medicinale, jo vetëm për naftën, por edhe për sipërfaqen e kultivuar. Kësaj thirrje gjithësej iu përgjigjen 954 aplikime. Top Channel siguron dokumenta që edhe më këtë skemë AZHBR së bashku më Njësitë Adminsitrative të Shkodrës abuzuan me fondet publike. Top Channel siguron listën emërore të fituesve ku 846 fermerë nga Malësia e Madhe u shpallën fitues të kësaj skemë, ku për 6,345.1 Ha, ata morën 190.353.000 ALL. Por këto shifra nuk janë reale me sipërfaqen e të mbjellave në Malësi të Madhe, pasi për të njëjtën parcelë kanë përfituar më shumë se dy fermerë. AZHBR dhe Njësitë Administrative rriten numrin e fermerëve dhe të tokës, më anë të falsifikimit të dokumetit të AMTP-së, si kjo që po shihni në ekran Ky abuzim që kap vlerën e 2 milion eurove, tashmë po hetohet nga KLSH dhe Auditi i Ministrisë së Bujqësisë. Historia u përsërit sërisht në 2025, kësaj herë AZHBR dhe kryetarët e Njësisës Administrative e rritën numrin e aplikimeve duke dyfishuar sërish sifpërfaqen e tokës së punuar ku për 1.290 aplikime AZHBR kërkonte të jepte para për 11.430.1 ha me sherebele dhe livandul. Por kjo tentative fatmirësht u ndal, pasi drejtoresha Ardita Kuçi, mësoi se abuzimi i një viti më parë u zbulua nga ministria e bujqësisë.