Një tjetër abuzim me procesin e legalizimeve në Gjirin e Lalëzit po hetohet nga Prokuroria e Durrësit e cila sot ka kërkuar policia ekzekutimin e vendimeve të dhëna nga gjykata paraprakisht për arrestimin e 3 të dyshuarve për këtë rast abuziv. Mbrëmjen e së hënës janë ekzekutuar dy nga 3 masat që ka dhënë gjykata. Është arrestuar Ndue Mesiti i cili është dhe përfituesi i pronës përmes dokumenteve false, si dhe në arrest shtëpie është lënë juristja e Kadastrës, ndërkohë pritet të ekzekutohet dhe vendimi arrest në burg për një ish- punonjës të Kadastrës së Durrësit. Edhe për një notere të përfshirë në procedurat e legalizimit është kërkuar pezullim license. Hetimet nisën kur qytetari përfitues, i pajisur me lejen false të legalizimit bën ankesë tek portali i vetëqeverisjes për mospajisjen me kartelë pasurie. Nga verifikimet rezultoi se leja e legalizimit është false dhe me kërkesë nga Nësia speciale Antikorrupsion dhe antievazion në kryeministri, kadastra ka bërë kallëzimin në Prokurori për hetimin e plotë të rastit, nga i cili rezulton se dhe vula e institucionit është e falsifikuar dhe keqpërdoret nga persona ende të paidentifikuar. Nderkohë nga hetimet rezulton se dhe fleta e legalizimit që është përdorur për këtë rast I përket Kadastrës së Tepelenës. Hetimet vazhdojnë për të zbardhur plotësisht rastin.