Për pesë ditë me radhë ukrainasat në zonat jugore të , Kherson dhe Zaporizhzhia, dhe Donetsk dhe Luhansk në lindje, votuan nën kërëcënimin e armëve në një referndum të rrem që i kërkonte atyre nëse duan apo jo t’i bashkohen nënës Rusi. Rezultatet e bëra publike këtë të martë, tregojnë një shifër absurde, mediat ruse raportojnë se 98 përqidn e ukrainasve kanë votuar pro për tju bashkuar rusisë. Shba dhe perëndimi e ka bërë të qartë se nuk do t’i njohë këto rezultate, pasi vazhdimisht i ka cilësuar ato si mashtrim, e te manipuluara. Cuarja e kutive shtëpi me shtëpi nga ushtarët rus, ishte qartazi një një veprim shtrëngues sipas perëndimit, për të krijuar një pretekst ligjor për Rusinë për të aneksuar zonat. Putini tashmë është gati të shpallë aneksimin e katër territoreve të premten, kur edhe do të flasë në parlament. Pas këtij veprimi, lufta tani është në një fazë të re rreziku, pasi Moska më herët është zotuar t'u japë rajoneve të aneksuara të Ukrainës "mbrojtje të plotë", e cila mund të përfshijë gjithashtu përdorimin e arsenalit të saj bërthamor, pasi preteksti ligjor do t'i lejonte Putinit dhe Kremlinit të portretizonin çdo përpjekje ukrainase për t'i rimarrë ato si një sulm ndaj vetë Rusisë. Këtë deklarata bërthamore i rifreskoi këtë të martë, edhe Dmitry Medvedev, nënkryetar i Këshillit të Sigurimit të Rusisë. "Le të imagjinojmë se Rusia do të detyrohet të përdorë armën më të fuqishme kundër regjimit ukrainas, që ka kryer një akt agresioni në shkallë të gjerë, që është i rrezikshëm për vetë ekzistencën e shtetit tonë," shkruante ai Telegram. . "Unë besoj se në atë rast NATO-ja do të tërhiqej nga ndërhyrja e drejtpërdrejtë në konflikt." Shtetet e Bashkuara ndërkohë i kanë dënuar paralajmërimet bërthamore të Kremlinit si taktika frikësuese. Jake Sullivan, këshilltari i sigurisë kombëtare i SHBA-së, tha gjatë fundjavës se Rusia do të paguajë një çmim të lartë, nëse përpiqet të vërë në jetë kërcënimet e nënkuptuara për të përdorur armë bërthamore në konflikt. "Nëse Rusia e kapërcen këtë vijë, do të ketë pasoja katastrofike për Rusinë. tha ai për emisionin “Meet the Press” të televizionit NBC. Pamjet: AFP