Pas më shumë se dy vitesh nga fillimi i procesit gjyqësor, dhe afro 6 vjet nga mbajtja në paraburgim në Hagë, katër ish krerët e UCK-së në Hagë u përballen me vendimin që nuk donin të dëgjonin: Pasi ishin marrë dëshmitë e 273 dëshmitarë, e u analizuan 5.500 prova materiale, Hashim Thaci, Kadri Veseli, Jakup Krasniqi e Rexhep Selimi, u liruan nga akuzat për krime kundër njerëzimit, por u shpallën fajtorë për katër akuza për krime lufte: arrestim dhe ndalim të paligjshëm ose arbitrar, trajtim mizor, torturë dhe vrasje të paligjshme. Veseli, ish-kryetar i Kuvendit, u dënua me 18 vjet burgim, Selimi, ish-deputet, me 13 vjet, Krasniqi gjithashtu ish kryeparlamentar mori një dënim më të rëndë me 25 vjet heqje lirie, e po kaq vite burg i rezervoi Gjykata Speciale edhe Thacit, i cili vendimin e priti pa shfaqur asnje emocion. Specialja, në thelb, u kujdes të mos përbalte luftën e UCK-së, por ta identifikonte përgjegjësinë si individuale, teksa i faturoi 96 vrasje ish drejtuesve të Ushtrisë Clirimtare të Kosovës.