Shqiptarët po përdorin çdo vit e më shumë makina elektrike. Përgjatë periudhës janar-korrik të këtij viti janë regjistruar për herë të parë 6396 automjete me bateri nga 58 444 që numërohen në tërësi sipas të dhënave zyrtare të Drejtorisë së Përgjithshme të Transportit Rrugor. Ndërsa një vit më parë për këtë periudhë rezulton të kenë hyrë 6187 mjete elektike nga 57 486 në total. Një tregues që nxjerr në pah se po shtohet gjithashtu numri i makinave, rreth 1000 automjete më shumë në 7 muajt e parë të 2026 krahasuar me periudhën e vitit 2025. Ndër të tjera, statistikat e DPSHTRR tregojnë një rritje të ndjeshme në 5 vite, ku në 2021 u regjistruan vetëm 187 mjete elektrike në 7 muaj. Mjete të regjistruara për sa i përket shtetit të origjinës për vitin 2026 në 3 vendet e para kryeson me më shumë Korea e Jugut, Kina dhe Gjermania. Makinat kineze kanë përparuar në tregun shqiptar, pasi në të dhënat e 2025 listohej në vendin e katërt me Gjermaninë dhe Italinë para saj. Ndërsa në 2021 regjistrimet e automjeteve i kryesonte shteti Italian dhe gjerman. Shqiptarët duket se po preferojnë më tepër edhe makinat e reja, pasi janë regjistruar për herë të parë në 7 muaj të 2026 rreth 21% mjete deri në 4 vite prodhimi, krahasuar me 15% të gjithë vitit të kaluar.