Monica Bellucci, në një intervistë për një Elle Spain, ka rrëfyer për jetën e saj dhe rolin që ka luajtur pamja e saj në karrierë dhe plakje. Për moshën dhe kalimin e viteve, ylli italian është shprehur se është si gjithë të tjerët. “Është e kotë të shkosh kundër diçkaje që është më e fortë se unë. Nëse koha kalon do të thotë se jeni me fat që jeni ende këtu. Mosha biologjike ka pasoja, nuk i gëzojmë më avantazhet e rinisë. Ka një transformim natyral dhe vjen një moment që duhet ta pranoni. E rëndësishme është të bëj gjëra që më pëlqejnë”, tha supermodelja. Ashtu si në intervistat e tjera, ajo këmbënguli se suksesi nuk është për shkak të bukurisë së saj. “Jam 59 vjeçe dhe vazhdoj të punoj, ndaj nuk mendoj se bëhet fjalë vetëm për bukurinë. Kurioziteti fillestar zhvlerësohet nëse nuk ka asgjë tjetër pas tij”, theksoi aktorja. Belluci është e vendosur të plaket në paqe, pasi sikurse thotë, kur je 50 ose 60 vjeç, nuk ke të njëjtat nevoja si kur je 20.