Kryeqyteti i Armenisë, Jerevani, pret takimin e 8-të të Komunitetit Politik Evropian. Takimi i Jerevanit nën moton “Ndërtimi i së ardhmes: Uniteti dhe Stabiliteti i Evropës” është i pari i këtij lloji që mbahet në Kaukaz dhe vjen në një kohë kur Armenia nxit lidhje më të ngushta me Evropën, ndërsa përpiqet shkëputet nga ndikimi rus. Ky takim që mbahet të hënën dhe të martën do të mbledhë udhëheqës nga e gjithë kontinenti. 48 krerë shtetesh dhe qeverish janë ftuar të marrin pjesë në këtë takim, mes të cilëve 27 vendet anëtare të BE-së, Shqipëria, Kosova dhe vendet e tjera të rajonit, ndërsa për herë të parë, në këtë samit do të marrë pjesë dhe një shtet jo-evropian si Kanadaja. Samiti shërben si një forum gjithëpërfshirës për dialog të hapur, koordinim strategjik dhe reflektim të përbashkët mbi prioritetet e Evropës, duke nxitur bashkëpunim, mirëkuptim të ndërsjellë dhe iniciativa konkrete që mbështesin një kontinent më të qëndrueshëm dhe më të orientuar drejt së ardhme” Mikpritësi i samitit të sivjetshëm, kryeministri armen