Një familje që darkoi në një restorant italian, duke konsumuar bërxolla e specialitete makaronash, me një faturë të përgjithshme 400 dollarë, raportohet se ia ka mbathur pa paguar me pretendimet se ushqimi “nuk kishte vlerë”. Tavolina me dhjetë vetë ku përfshiheshin, burra gra e fëmijë shprehu pakënaqësinë e tyre me gjestin ekstrem dhe tashmë e gjejnë veten të publikuar në të gjitha mediat e vendit, edhe pse ata thonë se ajo që bënë ishte çfarë meritonin punonjësit e restorantit. Incidenti u regjistrua nga kamerat e sigurisë në restorantin La Banca në Selsey, ku pronari Neil Kimber reagoi i nervozuar nga veprimet e familjarëve prandaj sipas tij ata duhet “të turpërohen”. “Ata thanë se ushqimi ishte ‘i keq’ dhe nxorrën një tufë prej 1,000 paundë para të thata dhe lanë 60 paundë në tavolinë kur unë i pyeta nëse ‘edhe pijet kishin qenë të këqija’, ata vazhduam me veprimin e tyre”, u shpreh Komber për mediat. Problemet me tavolinën kishin nisur që prej fillimit të mbrëmjes me rezervimin, dhe më pas me vonesat ne pjatat e pastave ‘ragu e carbonara’. “Këta bastardë do të na falimentojnë, sidomos biznese të vogla si unë”, tha pronari më tej, duke mos kursyer fjalët për klientët. Sipas Kimber, ankesa të tilla ekstreme të klientëve po bëhen gjithnjë e më të shpeshta. “Ne jemi një biznes familjar dhe i vlerësojmë gjykimet që lënë klientët në rrjet. I gjithë ushqimi ynë është i zonës, prandaj mund të jetë më i shtrenjtë sesa ushqimet që vijnë nga supermarketi”, tha pronari, duke shtuar se rastin nuk do ta raportojë në polici, pasi sikurse tha, as në raste të tjera Policia nuk ka vepruar.