Policia spanjolle po heton vdekjen e një 39-vjeçari, trupi i të cilit u gjet brenda një statuje dinosauri. Autoritetet u njoftuan nga një baba dhe djali i tij të cilët thanë se një erë e keqe po vinte nga statuja në Santa Coloma de Gramenet, një zonë periferike e Barcelonës. Babai më pas pa kufomën nga një e care në këmbën e zbrazët të Stegosaurusit. Policia sqaroi se burri ishte raportuar i zhdukur nga familja e tij.Tre skuadra të zjarrfikësve u thirrën në vendngjarje pas zbulimit të trupit, për nxjerrjen e të cilit u desh të hapej këmba e statujës. mediat lokale thonë se 39 vjecare ishte përpjekur të merrte telefonin celular që i kishte rënë brenda figurës decorative, por ka mbetur i bllokuar me kokë poshtë dhe nuk ka pasur as mundësi të thërrasë për ndihmë. Policia vetë ende nuk e ka konfirmuar sesi përfundoi fatkeqi brenda statujës dhe po pret rezultatet e autopsisë përpara se të dalë me një deklaratë. Menjehere pas kësaj, statuja dekorative është hequr nga vendi i saj jashtë Ndërtesës Kubike të qytetit, ku ishte vendosur për të reklamuar një kinema të vjetër.